தமிழ்நாடு காங்கிரஸ் கமிட்டியின் புதிய தலைவர் குறித்த அறிவிப்பு இன்று வெளியாகும் என்றும் இதற்கான ஆலோசனை இன்று மாலை முதல் டெல்லியில் நடந்து வருவதாகவும், இதனையடுத்து தமிழ்நாடு காங்கிரஸ் கமிட்டியின் தலைவர் திருநாவுக்கரசர் இன்று அவசரமாக டெல்லி சென்றதாகவும் வெளிவந்த செய்தியினை ஏற்கனவே பார்த்தோம்
இந்த நிலையில் தமிழ்நாடு காங்கிரஸ் கமிட்டி புதிய தலைவராக கே.எஸ்.அழகிரியை நியமித்து கட்சி தலைமை உத்தரவு பிறப்பித்துள்ளது. மேலும் தமிழக காங்கிரஸ் செயல் தலைவர்களாக வசந்த்குமார், ஜெயக்குமார், விஷ்ணு பிரசாத், மயூரா ஜெயக்குமார் ஆகியோர்களும் நியமிக்காப்பட்டுள்ளனர்.
தமிழ்நாடு காங்கிரஸ் கமிட்டியின் புதிய தலைவர் கே.எஸ்.அழகிரி என்பதை காங்கிரஸ்காரர்களே பலர் எதிர்பார்க்கவில்லை. ஈவிகேஎஸ் இளங்கோவன், ப.சிதம்பரம், குஷ்பு ஆகியோர்களில் ஒருவர் நியமிக்க வாய்ப்பு அதிகம் என செய்திகள் கசிந்த நிலையில் திடீரென கே.எஸ்.அழகிரி நியமிக்கப்பட்டிருப்பது அனைவரையும் ஆச்சரியத்தில் ஆழ்த்தியுள்ளது.
