இன்று பிறந்த நாள் கொண்டாடும் திமுக தலைவர் கருணாநிதிக்கு பல்வே தரப்பினரிடமிருந்து வாழ்த்துக்கள் குவிந்து வருகிறது. மேலும், பல்வேறு நிகழ்ச்சிகளுக்கு திமுக தொண்டர்கள் ஏற்பாடு செய்துள்ளனர்.
கருணாநிதி கடந்த 1924ஆம் ஆண்டு ஜூன் மதம் 3ம் தேதி திருவாரூர் மாவட்டம் திருக்குவளையில் பிறந்தார். இளம் வயது முதல் பொதுவாழ்வில் ஈடுபட்டு வரும் அவருக்கு 92 வயது முடிந்து இன்று 93 வயது பிறக்கிறது.
அவரது பிறந்த நாளையொட்டி திமுகவினர் பல்வேறு நிகழ்ச்சிகளுக்கு ஏற்பாடு செய்துள்ளனர். கருணாநிதி இன்று காலை 7 மணிக்கு, சென்னை மெரினா கடற்கரையில் உள்ள அண்ணா நினைவிடத்தில் மலர்வளையம் வைத்து மரியாதை செலுத்தினர்.
பின்னர் வேப்பேரியில் உள்ள பெரியார் நினைவிடத்திலும் அஞ்சலி செலுத்தினார். அதன்பின் இன்று காலை அண்ணா அறிவாலயம் வந்து திமுக தொண்டர்கள், கட்சி நிர்வாகிகள் மற்றும் முக்கிய பிரமுகர்களை சந்தித்து வாழ்த்து பெறுகிறார்.
இன்று மாலை 6 மணிக்கு சென்னை ராயப்பேட்டை ஒய்.எம்.சி. மைதானத்தில் ஏற்பாடு செய்யப்பட்டிருக்கும் பொதுக்கூட்டத்தில் கலந்து கொண்டு கருணாநிதி உரையாற்றுகிறார்.
அவரது பிறந்த நாளையொட்டி பல்வேறு அரசியல் தலைவர்கள், பிரபலங்கள் அவருக்கு வாழ்த்து செய்தி அனுப்பியுள்ளனர்.
