நடிகர் கமல்ஹாசன் வருகிற 21ம் தேதி ராமநாதபுரத்தில் பொதுக்கூட்டத்தை நடத்தவுள்ளதாக செய்திகள் வெளியாகியுள்ளது.
வருகிற பிப்ரவரி 21-ஆம் தேதி தனது பிறந்த ஊரான ராமநாதபுரத்தில் தனது அரசியல் கட்சியின் பெயரை அறிவிக்க உள்ளதாக நடிகர் கமல்ஹாசன் அறிவித்துள்ளார். மேலும், மறைந்த முன்னள் குடியரசுத்தலைவர் அப்துல் கலாமின் இல்லத்தில் இருந்து தனது அரசியல் பயணத்தை தொடங்க உள்ளதாகவும் அவர் அறிவித்தார்.
அந்நிலையில், கடந்த 22ம் தேதி காலை தனது இல்லத்தில் தனது ரசிகர் மன்ற நிர்வாகிகளுடன் அவர் ஆலோசனை நடத்தினார். முடிவில், மதுரையில் பிப்ரவரி 24ம் தேதி பிரம்மாண்ட பொதுக்கூட்டத்தை நடத்துவது என முடிவு செய்யப்பட்டதாக செய்திகள் வெளியானது. ஆனால், அது வதந்தி என கமல் மறுப்பு தெரிவித்தார்.
இந்நிலையில், தனது ரசிகர் மன்ற நிர்வாகிகளுடன் அவர் தொடர்ந்து ஆலோசனை நடத்தி வந்தார். முடிவில், பிப்.21ம் தேதி அரசியல் அறிவிப்பை வெளியிட்ட பின்பு, அதே ராமநாதபுரத்தில் பொதுக்கூட்டத்தை நடத்துவது என கமல்ஹாசன் முடிவெடுத்துள்ளதாக செய்திகள் வெளியாகியுள்ளது.
