முதல்வர் மு.க.ஸ்டாலின் உடன் கள்ளக்குறிச்சி பள்ளி மாணவியின் பெற்றோர் சந்திப்பு
தமிழக முதல்வர் மு க ஸ்டாலின் அவர்களை கள்ளக்குறிச்சி மாணவி ஸ்ரீமதியின் பெற்றோர் இன்று சந்தித்து உள்ளதாக தகவல் வெளியாகியுள்ளன.
கள்ளக்குறிச்சியில் உள்ள தனியார் பள்ளியில் 12-ம் வகுப்பு மாணவி மர்மமான முறையில் மரணமடைந்தார். இந்த வழக்கை சிபிசிஐடி விசாரணை செய்து வருகிறது
இந்த நிலையில் மாணவி மரணம் தொடர்பான வழக்கில் பள்ளி தாளாளர் உள்பட 5 பேர் கைது செய்யப்பட்ட நிலையில் தற்போது 5 பேருக்கும் ஜாமீன் கிடைத்துள்ளது
இந்த நிலையில் தமிழக முதல்வர் மு க ஸ்டாலின் அவர்களை மாணவியின் தாய் தந்தை ஆகிய இருவரும் சந்தித்துள்ளனர். இந்த வழக்கில் உண்மையான குற்றவாளிகளை கண்டுபிடிக்க வேண்டும் என்றும் குற்றவாளிகளுக்கு தண்டனை பெற்றுத்தர அரசு நடவடிக்கை எடுக்க வேண்டும் என்றும் சிறுமியின் தாயார் முதல்வரிடம் கோரிக்கை வைத்ததாக தகவல்கள் வெளியாகியுள்ளன