நாளையும் பள்ளி, கல்லூரிகளுக்கு விடுமுறை.. எந்த மாவட்டத்தில்?

கனமழை எச்சரிக்கை காரணமாக இன்று சென்னை உள்பட சில மாவட்டங்களில் பள்ளி, கல்லூரிகளுக்கு விடுமுறை அளிக்கப்பட்டிருந்தது.

கனமழை இன்னும் சில மாவட்டங்களில் தொடர்ந்து கொண்டிருப்பதால், மேலும் சில பள்ளி, கல்லூரிகளுக்கும் விடுமுறை என்று அறிவிப்பு வெளியாகியுள்ளது.

டெல்டா மாவட்டங்களில் இன்று காலை முதல் விடாமல் மழை பெய்து கொண்டிருக்கும் நிலையில், நாகப்பட்டினம் மாவட்டத்தில் உள்ள பள்ளி, கல்லூரிகளுக்கு நாளை, அதாவது நவம்பர் 28ஆம் தேதி, விடுமுறை என்று அறிவிக்கப்பட்டுள்ளது.

இதையடுத்து, மேலும் சில மாவட்டங்களுக்கு விடுமுறை அளிக்க வாய்ப்பு இருப்பதாக கூறப்படுகிறது. குறிப்பாக, சென்னை உள்பட அதைச் சுற்றியுள்ள மாவட்டங்கள், டெல்டா மாவட்டங்கள், தென் மாவட்டங்களில் நாளை விடுமுறை அளிக்க வாய்ப்பு உள்ளதாக தெரிவிக்கப்படுகிறது. இது குறித்து அறிவிப்புகள் இன்று இரவுக்குள் வெளியாகும் என்று எதிர்பார்க்கப்படுகிறது.

Edited by Mahendran