தந்தை பெரியாரின் பிறந்த நாளான செப்டம்பர் 17ஆம் தேதி சமூக நீதி நாள் என கொண்டாடப்படும் என தமிழக முதல்வர் முக ஸ்டாலின் அவர்கள் இன்று சட்டப்பேரவையில் அறிவித்திருந்தார் என்பதை ஏற்கனவே பார்த்தோம்
முதல்வர் முக ஸ்டாலின் அவர்களின் இந்த அறிவிப்புக்கு பாஜக எம்எல்ஏக்கள் உள்பட அனைத்து தரப்பினர்களும் வாழ்த்து தெரிவித்தனர் என்பது குறிப்பிடத்தக்கது. இந்த நிலையில் பாஜக பிரபலம் மற்றும் நடிகையுமான காயத்ரி ரகுராம் இதுகுறித்து தனது ட்விட்டர் பக்கத்தில் கூறியிருப்பதாவது:
மிக முக்கியமாக உண்மையான சமூக நீதி தினம் என்பது ஒற்றை குடும்ப வம்ச ஆட்சியை நாம் தேர்வு செய்யாதபோது (மற்றவர்களுக்கும் வாய்ப்பு கொடுப்பது) மற்றும் மக்கள் தங்கள் பஞ்சமி நிலத்தை திரும்பப் பெறுவது, பெண்களுக்கு மரியாதை அளிப்பது, 50 % அதிகாரம் வழங்குவது, கோவில் இழந்த நிலம் திரும்ப பெறுவது, கோவில்களை திரும்ப இந்து மக்களிடம் ஒப்படைப்பது, மத மாற்றத்தை நிறுத்துவது, ஒரே மாதிரியான சிவில் கோட் கொண்டுவருவது இது தான் உண்மையான சமூக நீதி நாள்
