அதிமுக முன்னாள் அமைச்சர் சிவி சண்முகம், மறைந்த தேமுதிக தலைவர் கேப்டன் விஜயகாந்த் வீட்டிற்கு நேரில் சென்று ஆறுதல் தெரிவித்தார்.
கடந்த மாதம் உடல் நலக்குறைவால் காலமான தேமுதிக தலைவர் கேப்டன் விஜயகாந்தின் உடல், சென்னை கோயம்பேட்டில் உள்ள தேமுதிக தலைமை கழகத்தில் நல்லடக்கம் செய்யப்பட்டுள்ளது.
அவரது உடலுக்கு அரசியல் தலைவர்கள், திரை பிரபலங்கள், பொதுமக்கள் என நாள்தோறும் ஆயிரக்கணக்கானோர் அஞ்சலி செலுத்தி வருகின்றனர்.
இந்நிலையில் அதிமுக முன்னாள் அமைச்சர் சிவி சண்முகம், சென்னை சாலிகிராமத்தில் உள்ள விஜயகாந்தின் இல்லத்திற்கு நேரில் சென்றார். விஜயகாந்தின் மனைவி பிரேமலதா மற்றும் அவரது குடும்பத்தினருக்கு ஆறுதல் தெரிவித்த சிவி சண்முகம், அங்கிருந்து விஜயகாந்தின் திருவுருவப்படத்திற்கு மலர் தூவி மரியாதை செலுத்தினர்.
