தான் இல்லாததால் அதிமுக தோற்றதாக சசிகலா கூறியது குறித்து அதிமுக இணை ஒருங்கிணைப்பாளர் எடப்பாடி பழனிசாமி கருத்து தெரிவித்துள்ளார்.
அதிமுகவிலிருந்து சசிகலா விலக்கப்பட்ட நிலையிலும் சசிகலா தொடர்ந்து அதிமுக தொண்டர்களுடன் செல்போன் வழியாக பேசி வருவது அதிமுக வட்டாரத்தில் தொடர் சர்ச்சைகளை ஏற்படுத்தி வருகிறது. சமீபத்தில் தொண்டர் ஒருவரிடம் சசிகலா பேசியபோது தான் இல்லாததால் அதிமுக தோல்வி அடைந்துவிட்டதாக கூறியுள்ளார்.
இதற்கு பதிலளித்து பேசியுள்ள எதிர்கட்சி தலைவர் எடப்பாடி பழனிசாமி “சசிகலா எத்தனை பொய்யான தகவல்களை பரப்பினாலும் அதிமுகவை வீழ்த்த முடியாது. சசிகலா அதிமுகவிலிருந்த காலகட்டத்திலும் தேர்தலில் அதிமுக தோல்வியை சந்தித்துள்ளது” என்று கூறியுள்ளார்.
