திமுக பெண் எம்.எல்.ஏ தற்கொலை முயற்சி
திமுக பெண் எம்எல்ஏ ஒருவர் தற்கொலை முயற்சி செய்ததாக வெளிவந்திருக்கும் தகவல் பெரும் பரபரப்பை ஏற்படுத்தி உள்ளது
நெல்லை மாவட்டம் ஆலங்குளம் திமுக எம்எல்ஏ பூங்கோதை. இவர் முன்னாள் திமுக தலைவர் கருணாநிதியுடன் மிகுந்த பற்றும் பாசமும் கொண்டவர் என்பது குறிப்பிடத்தக்கது. இந்த நிலையில் சற்று முன் திடீரென திமுக எம்எல்ஏ பூங்கோதை அளவுக்கு அதிகமாக தூக்க மாத்திரையை உட்கொண்டு தற்கொலைக்கு முயன்றதாக தகவல்கள் வெளிவந்துள்ளது
இதனை அடுத்து அவர் தற்போது நெல்லையில் உள்ள மருத்துவமனையில் அனுமதிக்கப்பட்டுள்ளதாகவும் அவருக்கு மருத்துவர்கள் தீவிர சிகிச்சை அளித்து வருவதாகவும் கூறப்படுகிறது
திமுக எம்எல்ஏ பூங்கோதை எதற்காக தற்கொலை முயற்சியில் ஈடுபட்டார் என்ற காரணம் இதுவரை இன்னும் தெரியவில்லை. இருப்பினும் இதுகுறித்து விசாரணை செய்யப்பட்டு வருகிறது. சட்டசபை தேர்தலுக்கு இன்னும் ஐந்து மாதங்கள் மட்டுமே இருக்கும் நிலையில் திமுக எம்எல்ஏ பூங்கோதையின் தற்கொலை முயற்சி பெரும் பரபரப்பை ஏற்படுத்தி உள்ளது. கட்சித் தலைமையுடன் பிரச்சனையா? அல்லது குடும்ப பிரச்சனையா? என்பது குறித்து போலீசார் விசாரணை செய்து வருகின்றனர்
