திரைப்பட நடிகரும், லட்சிய திமுக கட்சியின் தலைவருமான டி.ராஜேந்தர் அவ்வப்போது தன்னை திமுக ஆதரவாளராக காட்டிக்கொண்டிருப்பார். ஆனால் சமீப காலமாக அவரது நிலைப்பட்டில் மாற்றம் உள்ளது. தற்போது திமுகவினர் கொள்கையில் சரியாக இல்லை என்ற கடுமையான விமர்சனத்தை வைத்துள்ளார்.
கடந்த சட்டமன்ற தேர்தலின் போது லட்சிய திமுக தேர்தலில் போட்டியிடும் என்று அறிவித்திருந்தார். ஆனால் பின்னர் தனது முடிவில் இருந்து பின்வாங்கி தேர்தலில் போட்டி இல்லை என்று கூறினார்.
தற்போது உள்ளாட்சி தேர்தல் நெருங்கி வருவதால் செய்தியாளர்களை சந்தித்த டி.ராஜேந்தர் வரும் உள்ளாட்சி தேர்தலில் லட்சிய திமுக தனித்து போட்டியிடும் என்று அறிவித்துள்ளார். மேலும் திமுகவினர் அவர்களது கொள்கையில் சரியாக இல்லாததால் தான் தேர்தலில் தோல்வியைச் சந்தித்தனர் என்றார்.
