காங்கிரஸ் போட்டியிடும் 10 தொகுதிகள் இவைதான்: மேலிடத்திற்கு அனுப்பப்பட்ட பட்டியல்..!

திமுக கூட்டணியில் இருக்கும் காங்கிரஸ் கட்சிக்கு தமிழகத்தில் ஒன்பது தொகுதிகள் மற்றும் புதுவை என மொத்தம் பத்து தொகுதிகள் ஒதுக்கப்பட்ட நிலையில் இந்த பத்து தொகுதிகள் குறித்த பட்டியலை தமிழக காங்கிரஸ் டெல்லி மேலிடத்திற்கு அனுப்பி உள்ளதாக தகவல் வெளியாகி உள்ளது.

ஏற்கனவே காங்கிரஸ் தமிழகத்தில் போட்டியிட்ட அனைத்து தொகுதிகளும் இந்த பட்டியலில் இடம் பெற்று இருப்பதாக செய்திகள் கசிந்துள்ளது. இந்த பட்டியலை காங்கிரஸ் மேலிடம் சரிபார்த்து சில ஆலோசனைகளை தமிழக காங்கிரஸ் கட்சிக்கு கூறும் என்றும் அதன் பிறகு திமுகவிடம் காங்கிரஸ் போட்டியிட விரும்பும் பத்து தொகுதிகள் குறித்த பட்டியலை அளிக்கும் என்றும் கூறப்படுகிறது

கடந்த தேர்தலில் போட்டியிட்டு வென்ற தொகுதிகளை திமுகவுடன் காங்கிரஸ் கேட்பதாகவும் திமுக அதற்கு கிட்டத்தட்ட ஒப்புக் கொண்டிருப்பதாக கூறப்படுகிறது. இதன்படி பார்த்தால் சிவகங்கை தொகுதி மீண்டும் காங்கிரஸ் கட்சிக்கு வந்து விடும் என்று தெரிகிறது. இதனால் சிவகங்கை தொகுதியில் திமுக போட்டியிடாமல் இருப்பதாக திமுகவினர் புலம்பி வருவதாக கூறப்படுகிறது

Edited by Siva