சென்னை - சேலம் விமான சேவை இன்று முதல் மீண்டும் தொடங்குகிறது. இண்டிகோ ஏர்லைன்ஸ் நிறுவனம் இந்த சேவையை வழங்கவுள்ளது.
இன்று முதல் தினமும் காலை 11:20 மணிக்கு சென்னை விமான நிலையத்தில் இருந்து புறப்படும் விமானம், மதியம் 12:30 மணிக்கு சேலம் விமான நிலையத்தை வந்தடையும். சேலத்தில் இருந்து மதியம் 12:50 மணிக்கு புறப்படும் விமானம், சென்னைக்கு மதியம் 1:45 மணிக்கு சென்றடையும். இந்த விமான சேவைக்கு 72 இருக்கைகள் உள்ளன.
சேலம் விமான நிலையம் கடந்த 1993ம் ஆண்டு திறக்கப்பட்டது. 2006ம் ஆண்டு முதல் சென்னைக்கு விமான சேவை தொடங்கப்பட்டது. ஆனால், போதிய பயணிகள் இல்லாத காரணத்தால் 2011ம் ஆண்டு இந்த சேவை நிறுத்தப்பட்டது. இந்த நிலையில் இன்று மீண்டும் இந்த சேவை தொடங்கப்பட்டுள்ளது.
சேலம் மாவட்டம் தமிழ்நாட்டின் வடகிழக்கு பகுதியில் அமைந்துள்ளது. இந்த மாவட்டத்தின் மக்கள் தொகை சுமார் 4.5 மில்லியன் ஆகும். சேலம் ஒரு முக்கிய தொழில் மற்றும் வணிக மையமாகும். இந்த மாவட்டத்தில் பல பல்கலைக்கழகங்கள் மற்றும் கல்லூரிகள் உள்ளதால் இந்த விமான சேவை அந்த பகுதி பொதுமக்களுக்கு மிகவும் பயனுள்ளதாக இருக்கும்.
Edited by Siva
