சென்னையில் நேற்று கொரோனா பாதிப்பு எண்ணிக்கை வழக்கத்தை விட குறைந்துள்ளது ஆறுதலை ஏற்படுத்தியுள்ளது.
தமிழகத்தில் கொரோனா பாதிப்பு நாளுக்கு நாள் அதிகமாகிக் கொண்டே வந்து தற்போது தினமும் 4000 க்கும் மேற்பட்ட புதிய நோயாளிகள் வரும் அளவுக்கு வந்து நிற்கிறது. தலைநகரான சென்னையில் ஆரம்பம் முதலே கொரோனா பாதிப்பு அதிகரித்துக் கொண்டே வந்து கடந்த 10 நாட்களுக்கும் மேலாக தினமும் 2000 பேருக்கு மேல் புதிய நோயாளிகள் கண்டுபிடிக்கப்பட்டு வந்தனர். இதனால் சென்னையில் மட்டும் பாதிப்பு எண்ணிக்கை 68,000 ஐ தொட்டுள்ளது.
இந்நிலையில் சென்னை மக்களுக்கு ஆறுதல் அளிக்கும் விஷயமாக நேற்று 1713 பேருக்கு கொரோனா இருப்பது உறுதியாகியுள்ளது. இது வழக்கமான எண்ணிக்கையை விட மிகவும் குறைவாகும். நேற்று மட்டும் 1000 பேருக்கு மேல் டிஸ்சார்ஜ் செய்யப்பட்டுள்ளனர்.
