அடுத்த 3 மணி நேரத்தில் சென்னை , திருவள்ளூர் உள்ளிட்ட 9 மாவட்டங்களில் இடி, மின்னலுடன் மழை பெய்ய வாய்ப்புள்ளதாக சென்னை வானிலை ஆய்வு மையம் தற்போது, தெரிவித்துள்ளது.
தமிழகத்தில் வடகிழக்குபருவ மழை தொடங்கியுள்ள நிலையில், தமிழகத்தில் சென்னை உள்ளிட்ட பெரும்பாலான இடங்களில் மழை பெய்து வருகிறது.
இந்த நிலையில்,அடுத்த 3 மணி நேரத்தில் சென்னை, திருவள்ளூர், செங்கல்பட்டு, கடலூர், மயிலாடுதுறை, தஞ்சாவூர், திருவாரூர், விழுப்புரம், உள்ளிட்ட 9 மாவட்டங்களில் இடி மின்னலுடன் கூடிய மழை பெய்ய வாய்ப்புள்ளதாக வானிலை மையம் தெரிவித்துள்ளது.
மேலும், நீலகிரி, கோயம்புத்தூர், ராணிப்பேட்டை, வேலூர் ஆகிய மாவட்டங்களில் லேசான மற்றும் மிதமான மழைக்கு வாய்ப்புள்ளதாகவும் அ தகவல் தெரிவித்துள்ளது.
சென்னையில் தொடர்ந்து மழை பெய்து வந்த நிலையில், இன்று மீண்டும் மழை பெய்ய வாய்ப்புள்ளதாக வானிலை ஆய்வுமையம் கூறியுள்ளது அதிர்ச்சியை ஏற்படுத்தியுள்ளது.
