கருணாநிதி உடல்நிலை: அறிக்கை வெளியிட்ட மருத்துவமனை

சிகிச்சைகள் தொடரவேண்டி உள்ளதால் சில நாட்கள் மருத்துவமனையில் அனுமதிக்கப்படுவார் என்று மருத்துவமனை நிர்வாகம் அறிக்கை வெளியிட்டுள்ளது.

திமுக தலைவர் கலைஞர் சென்னை ஆழ்வார்பேட்டையில் உள்ள காவேரி மருத்துவமனையில் அனுமதிக்கப்பட்டுள்ளார். இந்நிலையில் மருத்துவமனை நிர்வாகம் கலைஞர் கருணாநிதி உடல்நிலைக் குறித்து அறிக்கை வெளியிட்டுள்ளது.

அதில், “திமுக தலைவரும், முன்னாள் முதலமைச்சரும் ஊட்டச்சத்து குறைபாடு காரணமாகவும், நீர்ச்சத்து குறைபாடு காரணமாகவும் ஆழ்வார்பேட்டையில் உள்ள காவிரி மருத்துவமனையில் அனுமதிக்கப்பட்டு உள்ளார்.

தற்போது அவரது உடல்நிலை தற்போது சீராக உள்ளது. சிகிச்சைகள் தொடர வேண்டியுள்ளதால் சில நாட்கள் மருத்துவமனையில் தங்கி சிகிச்சை பெறுவார்” என்று தெரிவிக்கப்பட்டுள்ளது.