சென்னையில் நடைபெற்ற செய்தியாளர்களின் சந்திப்பின்போது, மாமனாருக்கு ரத்த கொதிப்பு பாடலின் ரிங்டோன் ஒலித்ததால் சீமான் உள்ளிட்ட நிர்வாகிகள் கோபம் அடைந்தனர்.
நாம் தமிழர் கட்சிக்கு மைக் சின்னம் கிடைத்திருப்பதை சீமான் இன்று செய்தியாளர்கள் கூட்டத்தில் அறிவித்தார். அப்போது நாம் தமிழர் கட்சியின் தேர்தல் அறிக்கையையும் சீமான் வெளியிட்டார்.
இந்த செய்தியாளர்கள் சந்திப்பில் நடந்த ஒரு சம்பவம் சீமான் உள்ளிட்ட நாம் தமிழர் கட்சியினரை கொதிப்படையை செய்தது. சீமான் மைக் சின்னத்தை அறிமுகப்படுத்தி பேசத் தொடங்கினார்.
அப்போது சீமானுக்கு பின்னால் நின்றிருந்த ஒருவரின் செல்போன் ரிங் டோன், ரத்த கொதிப்பு எங்க மாமனாருக்கு ரத்த கொதிப்பு என்கிற பாடலுடன் ரொம்பவே சப்தமாக அலறியது.
இதனால் சீமான் உள்ளிட்ட நாம் தமிழர் கட்சி நிர்வாகிகள் கோபமடைந்தனர். இதையடுத்து 'ரத்த கொதிப்பு' பாடல் ரிங்டோன் நபர் அங்கிருந்து வேகமாக வெளியேறினார். இந்த சம்பவத்தால் கூட்டத்தில் சலசலப்பு ஏற்பட்டது.