நடைபெற உள்ள நாடாளுமன்ற தேர்தலில் பாஜக 370 முதல் 400 தொகுதிகள் வரை வெற்றி பெறும் என்று சில கருத்துக்கணிப்புகள் தெரிவித்து வருகிறது என்பதும் பாஜக தலைவர்களே அவ்வாறுதான் பேட்டி அளித்து வருகின்றனர் என்பதையும் பார்த்து வருகிறோம்
ஆனால் தேர்தல் ஆலோசகர் பிரசாந்த் கிஷோர் சமீபத்தில் அளித்த பேட்டியில் பாஜக 370 தொகுதிகளில் வெற்றி பெற வாய்ப்பே இல்லை என்றும் கூட்டணியாக கூட அந்த அளவுக்கு தொகுதிகள் வருவது சந்தேகம் தான் என்றும் தெரிவித்துள்ளார்
ஆனால் அதே நேரத்தில் மீண்டும் பாஜக தான் தேசிய அளவில் ஆட்சியைப் பிடிக்கும் என்றும் கூட்டணி கட்சிகளுடன் ஆட்சியை தக்க வைத்துக் கொள்ளும் என்றும் அவர் கூறியுள்ளார்
இந்தியா கூட்டணியில் ஒற்றுமை இல்லாததால் போதுமான அளவில் போட்டி இல்லை என்றும் தமிழ்நாடு உள்பட ஒரு சில மாநிலங்களில் மட்டுமே இந்தியா கூட்டணிக்கு நல்ல வெற்றி கிடைக்கும் என்றும் அவர் கூறியுள்ளார்
மொத்தத்தில் பாஜக கூட்டணி 370 தொகுதிகளை பிடிக்காது என்றாலும் அந்த கட்சி தான் மீண்டும் ஆட்சிக்கு வரும் என்று அவர் கூறியிருப்பது பரபரப்பை ஏற்படுத்தி உள்ளது.
