முதலமைச்சர் ஜெயலலிதாவிற்கு உடல்நலக்குறைவு! மருத்துவமனையில் குவிந்த தொண்டர்கள்!

முதல்வர் ஜெயலலிதா, வியாழக்கிழமை இரவு 9.30 மணியளவில் போயஸ் கார்டனில் காவிரி பிரச்னை குறித்து ஆலோசனை கூட்டத்தில் பங்கேற்றபோது அவருக்கு உடல் நலக் குறைவு ஏற்பட்டது.

இதனை அடுத்து, அவரை 10. 15 மணிக்கு கிரீம்ஸ் ரோடில் உள்ள அப்போலோ மருத்துவமனையில் அனுமதித்தனர்.

இது குறித்து தகவல் அறிந்ததும், நள்ளிரவு முதல், தற்போது வரை, அதிமுக தொண்டர்கள் க்ரீம்ஸ் ரோட்டில் குவிந்த வண்ணம் உள்ளனர்.

இதை அடுத்து, கூட்டத்தை சமாளிக்க அங்கு காவல்துறையினர் குவிக்கப்பட்டுள்ளனர்.

இந்நிலையில், தற்போது முதலமைச்சர் ஜெயலலிதா நலமாக இருப்பதாகவும், மருத்துவர்கள் தொடர்ந்து அவர் உடல்நிலையை கண்காணித்து வருவதாகவும் கூறப்படுகிறது.