அதிமுகவில் இருந்து விலகிய ராஜ கண்ணப்பன் திமுக தலைவர் ஸ்டாலின் முன்னிலையில் திமுகவில் இணைந்தார்.
முன்னரே சரும் 23 ஆம் தேதி திமுகவில் இணைய உள்ளதாக அறிவித்திருந்தார் ராஜ கண்ணப்பன். அதன்படியே மதுரையில் ஸ்டாலின் தலைமையில் பொதுக்கூட்டத்திற்கு ஏற்பாடு செய்யப்பட்டு ராஜ கண்ணப்பன் தனது ஆதரவாளர்களுடன் திமுகவில் இணைந்தார்.
ஆனால், அதிமுக அமைச்சர்களான செல்லூர் ராஜூ, உதயகுமார் ஆகியோர் இந்த இணைப்பு குறித்து விமர்சனங்களை முன்வைத்துள்ளனர். செல்லூர் ராஜூ கூறியதாவது, ராஜ கண்ணப்பன் தமிழகத்தில் செல்லாத நோட்டாகிவிட்டார். அவர் முன்பு திமுகவில் இருந்து விலகி அதிமுகவில் சேர்ந்தார். இப்போது அதிமுகவில் இருந்து செல்லாமல் போனதால் மீண்டும் திமுகவுக்குச் செல்கிறார். இதை திமுக பெரிய நிகழ்ச்சியாகக் கொண்டாடுகிறது என விமர்சித்தார்.
அதேபோல அமைச்சர் உதயகுமார், ராஜ கண்ணப்பனைப் பார்த்து எல்லோரும் பரிதாபப்படுகிறார்கள். மூழ்கும் கப்பலில் புதிய பயணியாக ராஜ கண்ணப்பன் சேர்ந்திருப்பது அந்தக் கப்பலுக்கும் ஆபத்து அவருக்கும் ஆபத்து என பேசியுள்ளார்.
