பெரியார் பிறந்தநாள் சமூக நீதி நாளாக அறிவித்ததற்கு தமிழக முதல்வர் மு.க.ஸ்டாலினுக்கு நடிகர் சத்யராஜ் பாராட்டு.
பெரியார் பிறந்த நாளான செப்டம்பர் 17ஆம் தேதியை சமூக நீதி நாள் என தமிழக முதலமைச்சர் முக ஸ்டாலின் சட்டமன்றத்தில் அறிவித்தார் என்பதும் இதற்கு நல்ல வரவேற்பு கிடைத்து வருகிறது என்பது குறிப்பிடத்தக்கது. இந்நிலையில் நடிகர் சத்யராஜ், தமிழக முதல்வரின் இந்த முடிவை வெகுவாக பாராட்டியுள்ளார்.
நடிகர் சத்யராஜ் கூறியதாவது, பிறப்பால் யாரும் உயர்ந்தவரும் இல்லை, தாழ்ந்தவரும் இல்லை என்று அறப்பால் தந்த ஐய்யாவின் கருத்தால் கவரப்பட்ட முத்தமிழ் அறிஞர் கலைஞரின் புதல்வருக்கு, பகுத்தறிவு பகலவன் தந்தை பெரியாரின் பிறந்தநாளை சமூக நீதி நாள் என்று அறிவித்த எங்கள் பெருமை மிகு முதல்வருக்கு நன்றிகள்.
திராவிடியன் ஸ்டிக் பிடித்து நடந்த எங்களது திராவிடியன் ஸ்டார் ஸ்டாலின் அவர்கள், வாரணத்தின் நான்கு கால்களை பேரரங்கம் அதிர முழங்கினார். முழக்கங்கள் தொடர்கின்றன...முயற்சிகள் வெல்கின்றன... என்று குறிப்பிட்டார்.
