குறுகிய காலத்தில் 1,50,000 இலவச மின் இணைப்புகள் வழங்கிய இந்திய அளவில் தமிழகம் சாதனை செய்துள்ளதாக முதல்வர் முக.ஸ்டாலின் தெரிவித்துள்ளார்.
தமிழகத்தில் கடந்தாண்டு நடந்த சட்டசபைத்தேர்தலில் திமுக வெற்றி பெற்று முதல்வர் ஸ்டாலின் தலைமையிலான அரசு மக்களுக்கு பல்வேறு நலத்திட்டங்கள் அறிவித்து வருகிறது.
இந்த நிலையில், ஒரு லட்சம் விவசாயிகளுக்கு மின் இணைப்பு வழங்கும் திட்டம் 2021 செப்டம்பர் 23 -ல் துவக்கி வைக்கப்பட்ட நிலையில், குறுகிய காலத்தில் 1,50,000 இலவச மின் இணைப்புகள் வழங்கியுள்ளது திமுக அரசு.
இதுகுறித்து, முதல்வர் ஸ்டாலின், "குறுகிய காலத்தில் 1,50,000 இலவச மின் இணைப்புகளை வழங்கி, தமிழக வரலாற்றில் மட்டுமல்ல, இந்திய அளவிலும் இதுவரை எந்த அரசும் செய்திடாத மிகப்பெரும் சாதனையை நாம் செய்திருக்கிறோம் என்றும், பெய்யும் மழையால் மண் குளிர்ந்து கொண்டிருக்கிறது. இந்த மண் காக்கும் விவசாயிகளுக்கு இலவச மின்சாரத்தை வழங்குவதால் இன்று என் மனமும் குளிர்ந்து கொண்டிருக்கிறது”என்று தெரிவித்துள்ளார்.
குறுகிய காலத்தில் 1,50,000 இலவச மின் இணைப்புகளை வழங்கி, தமிழக வரலாற்றில் மட்டுமல்ல, இந்திய அளவிலும் சாதனை புரிந்துள்ள தமிழக அரசுக்கு பாராட்டுகள் குவிந்து வருகிறது.
