சமீபத்தில் திமுக பொதுச் செயலாளர் மற்றும் பொருளாளர் பதவிக்கான தேர்தல் நடைபெறும் என அறிவிக்கப்பட்ட நிலையில் இந்த பதவிகளுக்கு துரைமுருகன் மற்றும் டிஆர் பாலு ஆகியோர் போட்டியின்றி தேர்வு செய்யப்பட்டதால் தேர்தல் நடைபெற வாய்ப்பு இல்லாமல் போனது
இந்த நிலையில் பொதுச் செயலாளர் மற்றும் பொருளாளர் பதவிகளை அடுத்து தற்போது துணை பொதுச்செயலாளர் பதவிக்கு ஒரு சிலரை நியமனம் செய்ய திமுக தலைவர் முக ஸ்டாலின் அவர்கள் முடிவு செய்திருப்பதாக கூறப்படுகிறது. மேலும் துணை பொது செயலாளர் பதவிகளுக்கு 5 பேரை நியமிக்கலாம் என கட்சி விதியில் திருத்தம் செய்யவும் முடிவு என தகவல் வெளியாகியுள்ளதால் திமுக வட்டாரத்தில் பெரும் பரபரப்பு ஏற்பட்டு உள்ளது
இந்த நிலையில் திமுக துணைப் பொதுச்செயலாளர் பதவிக்கு ஆ.ராசா மற்றும் பொன்முடி ஆகியோர் தேர்வு செய்யப்பட்டுள்ளதாகவும் மேலும் மூவர் விரைவில் தேர்வு செய்ய வாய்ப்பு இருப்பதாகவும் இதுகுறித்த அதிகாரபூர்வ அறிவிப்பு விரைவில் வெளியாகும் என்றும் கூறப்படுகிறது. ஏற்கனவே ஆ.ராசா பொருளாளர் பதவிக்கு போட்டியிடுவார் என்று எதிர்பார்க்கப்பட்ட நிலையில் அவர் அந்த பதவிக்கு போட்டியிடவில்லை என மறுப்பு தெரிவித்தார் என்பது குறிப்பிடத்தக்கது
