நேற்று சென்னை சேப்பாக்கம் மைதானத்தில் நேற்று சிஎஸ்கே மற்றும் மும்பை போட்டி நடந்தது. இந்த போட்டியை காண தமிழகத்தின் பல்வேறு பகுதிகளில் இருந்து ஆயிரக்கணக்கில் கிரிக்கெட் ரசிகர்கள் குவிந்திருந்தனர்
இந்த நிலையில் ஐபிஎல் போட்டியை காண காரில் ஐந்து பேர் சென்னைக்கு வந்திருந்தனர். போட்டி முடிந்தவுடன் இவர்கள் காரில் ஊருக்கு மீண்டும் திரும்பி சென்றபோது விழுப்புரம் மாவட்டம் சின்னசேலம் அருகே முன்னால் சென்ற லாரி மீது அதிவேகமாக இவர்கள் சென்ற கார் மோதியது. இந்த விபத்தில் காரில் பயணம் செய்த 3 பேர் சம்பவ இடத்திலேயே பலியாகினர்.
மேலும் இந்த விபத்தில் அதே காரில் பயணம் செய்த மேலும் இரண்டு பேர் படுகாயம் அடைந்து கள்ளக்குறிச்சி அரசு மருத்துவமனையில் அனுமதிக்கப்பட்டுள்ளனர். அவர்களுக்கு மருத்துவர்கள் தீவிர சிகிச்சை அளித்து வருகின்றனர். இந்த விபத்து குறித்து போலீசார் வழக்குப்பதிவு செய்து விசாரணை நடத்தி வருகின்றனர்.
