Select Your Language

Notifications

webdunia
webdunia
webdunia
webdunia

ஏப்ரல் மாத எண் ஜோதிடப் பலன்கள்: 5, 14, 23

Advertiesment
ஏப்ரல் மாத எண் ஜோதிடப் பலன்கள்: 5, 14, 23
, புதன், 3 ஏப்ரல் 2019 (18:46 IST)
5, 14, 23 ஆகிய தேதிகளில் பிறந்தவர்களுக்கு:  நாயகர் புதன்: 

துணிச்சலாக எதையும் செய்து வெற்றி  பெறும் ஐந்தாம் எண் வாசகர்களே நீங்கள் எதைப்பற்றியும் கவலைப்பட மாட்டீர்கள். உங்கள் வழி தனி வழி என்று  செயல்படுவீர்கள். இந்த மாதம் மனதில் தன்னம்பிக்கை அதிகரிக்கும். புத்தி தெளிவு உண்டாகும். நல்லது  எது கெட்டது எது என்று பிரித்து பார்த்து செயல்படுவீர்கள். எதிர்பாராத சில திருப்பங்களால் காரிய வெற்றி கிடைக்கும். தொழில் வியாபாரம்  திருப்தி தரும். தொழிலில் முன்னேற்றம் காண வாய்ப்புகள் வந்து சேரும். நிதானமாக பேசுவதன் மூலம் வியாபாரத்தில் இருந்த போட்டிகள்  குறையும்.

உத்தியோகத்தில் இருப்பவர்களுக்கு புதிய பதவி கிடைக்கலாம். சிலர் கட்டளையிடுகின்ற பதவி கிடைக்கப் பெறுவார்கள். குடும்பத்தில் திடீர் செலவு ஏற்படும். குடும்பத்தில் இருப்பவர்களுக்கு தேவையான உதவிகளை செய்து அதன் மூலம் அவர்களின் நன்மதிப்பை  பெறுவீர்கள். கணவன்மனைவிக்கிடையே மகிழ்ச்சி அதிகரிக்கும். பிள்ளைகள் நலனில் அக்கறை காட்டுவீர்கள். வழக்குகளை தள்ளிப் போடுவதும்  சமாதான முறையில் பேசி தீர்த்துக்கொள்வதும் நல்லது.

பெண்களுக்கு தன்னம்பிக்கையுடன் செயல்பட்டு காரிய வெற்றி பெறுவீர்கள். உடல்  ஆரோக்கியத்தில் கவனம் தேவை. மாணவர்களுக்கு கல்வியில் வெற்றி பெற கூடுதல் முயற்சி மேற்கொள்வது நல்லது. சக மாணவர்களுடன்  நிதானமாக பேசி பழகுவது நன்மை தரும்.

ஞாயிறு, புதன், சனி ஆகிய நாட்கள் சிறப்பானவை.
வடக்கு, கிழக்கு திசை அனுகூலமாக இருக்கும்.
1, 3, 5, 6 ஆகிய எண்கள் அதிர்ஷ்டமாக இருக்கும்.
பரிகாரம்: புதன்கிழமையில் துளசி அர்ப்பணித்து பெருமாளை வழிபட காரிய வெற்றி உண்டாகும்.

Share this Story:

Follow Webdunia tamil

அடுத்த கட்டுரையில்

ஏப்ரல் மாத எண் ஜோதிடப் பலன்கள்: 4, 13, 22, 31