தன் சாதனையை தானே முறியடித்த திருப்பதி! – ஒரு நாள் உண்டியல் வசூல் இவ்வளவா?

நேற்று வைகுண்ட ஏகாதசியில் சொர்க்க வாசல் திறக்கப்பட்ட நிலையில் திருப்பதி ஏழுமலையான் கோவில் உண்டியல் வசூலில் சாதனை படைத்துள்ளது.

நேற்று வைகுண்ட ஏகாதசியையொட்டி திருப்பதி ஏழுமலையான் கோவிலில் சொர்க்க வாசல் திறக்கப்பட்டது. சொர்க்க வாசல் திறப்பை காண முக்கியஸ்தர்கள் முதல் சாதாரண மக்கள் வரை லட்சக்கணக்கானோர் திருப்பதியில் குவிந்தனர். பக்தர்கள் உண்டியலில் செலுத்திய காணிக்கை புதிய சாதனையை படைத்துள்ளது.

நேற்று ஒரு நாளில் மட்டும் திருப்பதி உண்டியல் வசூல் ரூ.7.68 கோடி என திருப்பதி தேவஸ்தானம் தெரிவித்துள்ளது. கடந்த ஆண்டு அக்டோபர் 23ம் தேதி ஒருநாளில் ரூ.6.31 கோடி காணிக்கை கிடைத்தது திருப்பதி கோவிலின் அதிகபட்ச ஒருநாள் உண்டியல் வசூல் சாதனையாக இருந்தது. நேற்றை காணிக்கை வசூல் மூலம் தனது சாதனையை தானே முறியடித்துள்ளது திருப்பது ஏழுமலையான் கோவில்.

Edit By Prasanth.K