சமீபத்தில் கைது செய்யப்பட்ட மல்யுத்த வீரர் சுஷில்குமார் பற்றிய வீடியோ ஒன்றை டெல்லி போலிஸ் வெளியிட்டுள்ளது.
பிரபல மல்யுத்த வீரர் சுஷில் குமாருக்கும், மற்றுமொரு மல்யுத்த வீரரான சாகர் தன்கட்டுக்கும் கடந்த சில காலமாகவே மோதல் போக்கு இருந்து வந்துள்ளது. இந்நிலையில் சமீபத்தில் சாகர் தன்கட், சுஷில் குமார் கோஷ்டி இடையே டெல்லியில் தகராறு எழுந்துள்ளது. இந்த சம்பவத்தில் சாகரை மோசமாக தாக்கிவிட்டு சுஷில்குமார் கோஷ்டி தப்பியுள்ளது. இதில் பலத்த காயமடைந்த சாகர் மருத்துவமனையில் சிகிச்சை பலனின்றி இறந்துள்ளார். இதையடுத்து இந்த வழக்கை கொலை வழக்காக பதிவு செய்த போலீஸார் சுஷில் குமாரை தேடி வந்தனர். இந்நிலையில் தலைமறைவாகி இருந்த சுஷில் குமாரை கடந்த 23ஆம் தேதி டெல்லியில் போலீஸார் கைது செய்துள்ளனர்.
விசாரணையில் சுஷில் குமார் தான் கொல்லும் எண்ணத்தோடு அவரைத் தாக்கவில்லை என்றும் அவரின் தவறுக்கு பாடம் கற்பிக்கவே அவ்வாறு செய்ததாகவும் கூறியிருந்தார். இந்நிலையில் சுஷில் குமாரும் அவரின் நண்பர்களும் சேர்ந்து ராணா தன்கட்டை தாக்கும் வீடியோவை போலிஸார் வெளிட்டுள்ளனர்.
