இத்தனை காலமாக காங்கிரஸ் செய்யாததை பாஜக செய்துள்ளது! – நிதின் கட்கரி!

இந்தியாவில் நாட்டின் முன்னேற்றத்திற்காக காங்கிரஸ் செய்யாததை மோடி தலைமையிலான பாஜக அரசு செய்துள்ளதாக நிதின் கட்கரி தெரிவித்துள்ளார்.

மத்திய பிரதேசத்தில் நடைபெற்று வரும் பொதுக்கூட்டத்தில் நாக்பூரிலிருந்து காணொளி வாயிலாக மத்திய அமைச்சர் நிதின் கட்கரி உரையாற்றினார். அப்போது பேசிய அவர் சீனா – இந்தியா இடையேயான பிரச்சினைகள் பேச்சுவார்த்தை மூலமாக தீர்க்கப்பட்டுள்ளதாக கூறியுள்ளார்.

மேலும் நேரு காலத்தில் இருந்து மன்மோகன் சிங் காலம் வரையிலும் காங்கிரஸ் ஏழ்மை ஒழிப்புக்கான கோஷங்களை முன்னிறுத்தியதே தவிர அதற்கான எந்த நடவடிக்கைகளையும் மேற்கொள்ளவில்லை. காங்கிரஸ் பின்பற்றிய பொருளாதார கொள்கைகள் நாட்டிற்கு வளர்ச்சியை அளிக்கவில்லை. 70 ஆண்டுகளாக காங்கிரஸ் ஆட்சியில் இருந்து செய்யாததை பிரதமர் மோடி தலைமையிலான பாஜக அரசு 5 ஆண்டுகளில் செய்துள்ளதாகவும் அவர் கூறியுள்ளார்.