2 டோஸ் கொரோனா தடுப்பூசி செலுத்திக் கொண்டால் மது மீது 10 சதவீதம் தள்ளுபடி வழங்கப்படும் என அறிவிப்பு.
இந்தியா முழுவதும் கொரோனா பாதிப்புகள் நீடித்து வரும் நிலையில் கொரோனாவை கட்டுப்படுத்த மத்திய, மாநில அரசுகள் தடுப்பூசி செலுத்துவதை தீவிரப்படுத்தியுள்ளன. கடந்த சில மாதங்களில் இந்தியாவில் 100 கோடிக்கும் அதிகமான தடுப்பூசிகள் மக்களுக்கு போடப்பட்டுள்ளன.
எனினும் பல பகுதிகளில் மக்கள் தடுப்பூசி போட தயக்கம் காட்டி வருகின்றனர். அவர்கள் தடுப்பூசி போட்டுக் கொள்ள செய்ய பல்வேறு சலுகைகளையும் அந்த நகர, கிராம நிர்வாகங்கள் அறிவிப்பது வாடிக்கையாக உள்ளது.
அந்த வகையில் மத்தியபிரதேச மந்த்சவுர் மாவட்டத்தில் இருக்கும் மதுபான கடைகளில் 2 டோஸ் கொரோனா தடுப்பூசி செலுத்திக் கொண்டால் மது மீது 10 சதவீதம் தள்ளுபடி வழங்கப்படும் என அறிவிப்பு வெளியிடப்பட்டுள்ளது.
