பெண்களின் மாதவிடாய்: காங்கிரஸ் தலைவர் சர்ச்சை பேச்சு!

கேரள மாநில காங்கிரஸ் கட்சியின் இடைக்கால தலைவராக நியமிக்கப்பட்டுள்ள எம்.எம்.ஹாசன் பெண்களின் மாதவிடாய் காலம் குறித்து பேசிய கருத்து அங்கு சர்ச்சையை ஏற்படுத்தியுள்ளது.

கேரள காங்கிரஸ் தலைவர் எம்.எம்.ஹாசன் சமீபத்தில் ஊடகம் மற்றும் அரசியல் கருத்தரங்கு ஒன்றில் பங்கேற்று பேசினார். அப்போது பேசிய அவர், மாதவிடாய் என்பது தூய்மையற்ற நிலை. எனவே மாதவிடாய் காலங்களில் பெண்கள் கோவிலுக்கு செல்லக்கூடாது.

மாதவிடாய் காலங்களில் இஸ்லாமிய பெண்கள் நோம்பு இருப்பதில்லை. கோவில், மசூதி, சர்ச் போன்ற வழிபாட்டு தலங்களுக்கு பெண்கள் இந்த காலத்தில் செல்லக்கூடாது என்றார் அவர்.

இவரது இந்த கருத்து சர்ச்சையை ஏற்படுத்தியதை அடுத்து, தனது கருத்து தவறாக புரிந்து கொள்ளப்பட்டிருப்பதாக ஹாசன் விளக்கம் அளித்துள்ளார். இது தன்னுடைய தனிப்பட்ட கருத்து இல்லை, இது போன்ற கருத்து சமூக வலைதளங்களில் பலரிடம் உள்ளது என கூறினார்.