நேற்றைய நகர்ப்புற உள்ளாட்சி தேர்தலில் வாக்குப்பதிவு நடந்த நிலையில் பொதுமக்கள் மிகுந்த ஆர்வத்துடன் நீண்ட வரிசையில் நின்று வாக்களித்தனர்
அதேபோல் திரையுலக பிரமுகர்கள் அரசியல்வாதிகள் உள்பட பலரும் வாக்களித்தனர் என்பதையும் பார்த்தோம்
இந்த நிலையில் தமிழகத்தில் நேற்று வாக்குப்பதிவில் மொத்தம் 60.70 சதவீதம் வாக்குகள் பதிவாகி உள்ளதாக தமிழக தேர்தல் ஆணையம் தெரிவித்துள்ளது
அதிகபட்சமாக தர்மபுரி மாவட்டத்தில் 80.49 சதவீத வாக்குகள் பதிவாகி உள்ளது. மாநகராட்சிகளில் மிகவும் குறைந்த பட்சமாக சென்னையில் 43.59 சதவீத வாக்குகள் பதிவாகி உள்ளது. சென்னையில் உள்ள 50 சதவீதத்துக்கும் அதிகமானவர்கள் வீட்டை விட்டு வெளியே வந்து வாக்களிக்கவில்லை என்பது மிகவும் சோகத்துக்கு உரிய ஒன்றாக பார்க்கப்படுகிறது
இந்த நிலையில் சென்னையில் வாக்கு எண்ணும் 11 மையங்களில் 3 அடுக்கு பாதுகாப்பு போடப்பட்டு உள்ளதாகவும் 6 ஆயிரம் போலீசார் சுழற்சி முறையில் பாதுகாப்பு பணியில் ஈடுபடுவார்கள் என்றும் தகவல் வெளியாகி உள்ளன
