விராத் கோலி - ஜெனிலியா சர்ச்சைக்குரிய விளம்பரம்: குவியும் கண்டனங்கள்.. மீண்டும் வைரலானது ஏன்?

கிரிக்கெட் வீரர் விராட் கோலி, ஒரு காலத்தில் நடிகை ஜெனிலியா மீது காதல் கொண்டிருந்ததாக ஒரு வதந்தி இருந்தது. ஆனால் ஜெனிலியா பின்னர் நடிகர் ரித்தீஷ் தேஷ்முக்கை திருமணம் செய்ய, விராத் கோலியும், அனுஷ்கா சர்மாவுடன் காதல் திருமணம் செய்துகொண்டார். ஆனால் அனுஷ்காவை சந்திக்கும் முன்பு, கோலி, ஜெனிலியாவுடன் இணைந்து  விளம்பர படம் ஒன்றில் நடித்திருந்தார்.

விமானத்திற்குள் படமாக்கப்பட்ட அந்த விளம்பரம், வெளியான குறுகிய காலத்திலேயே இந்திய தொலைக்காட்சிகளில் இருந்து தடை செய்யப்பட்டது. இந்திய பார்வையாளர்களுக்கு மிகவும் 'ஆபாசமானதாக' அது கருதப்பட்டது. விளம்பரத்தில், விமான பணிப்பெண் ஜெனிலியா, விமானி கோலியை விமான பயணத்தின்போது பாலியல் உறவுக்குத் தூண்டுவது போல் காட்சிகள் அமைக்கப்பட்டிருந்தன. தானியங்கி விமான முறை  இத்தகைய சந்திப்புகளுக்காகவே அறிமுகப்படுத்தப்பட்டதாக மறைமுகமாக உணர்த்தப்பட்டிருந்தது.

இன்றும் யூடியூபில் கிடைக்கும் இந்த விளம்பர காணொளி, சமூக வலைத்தளங்களில் மீண்டும் பேசுபொருளாகியுள்ளது. பலர் ஜெனிலியாவை விமர்சித்து, இதுபோன்ற ஒரு காட்சியில் ஏன் நடிக்க ஒப்புக்கொண்டார் என கேள்வி எழுப்பி வருகின்றனர். "ஜெனிலியா மற்றும் விராட்டின் விளம்பரம் மிகவும் சர்ச்சைக்குரியது என்பதால், வெளியான உடனேயே தடை செய்யப்பட்டது" என்று அந்தக் காணொளியின் தலைப்பு கூறுகிறது.

ஜூன் 12 அன்று அகமதாபாத்தில் இருந்து லண்டன் நோக்கிச் சென்ற ஏர் இந்தியா பயணிகள் விமானம் விபத்துக்குள்ளாகி சுமார் 300 பேர் உயிரிழந்ததை தொடர்ந்து இந்த பழைய விளம்பர காணொளி மீண்டும் வைரலாகி உள்ளது. .

Edited by Siva