இந்திய தூதரக வலைதளத்தில் இருந்த தொழில்நுட்ப குறைபாடுகளை சுட்டிக்காட்டிய 17வயது ஜப்பான் சிறுவனுக்கு வெளியுறவுத்துறை அமைச்சகம் நன்றி தெரிவித்துள்ளது.
ஜப்பான் நாட்டை சேர்ந்த கபூஸ்கய்(17) என்ற பெயரில் இணையதளத்தில் இயங்கும் சிறுவன் இந்திய தூதரக வலைதளங்களில் இருந்த தொழில்நுட்பக் குறைபாடுகளை சுட்டிக்காட்டினான்.
இதைப்பார்த்த இந்திய வெளியுறவுத்துறை அமைச்சகம் அந்த சிறுவனின் அறிவுரைப்படி வலைதளங்களின் பாதுகாப்பு அம்சங்களை மேம்படுத்தியது. மேலும் அந்த சிறுவனுக்கு நன்றி தெரிவிக்கப்பட்டது.
இதுகுறித்து அந்த சிறுவன் தனது டுவிட்டரில் பக்கத்தில், இந்திய வெளியுறவுத்துறையின் பாராட்டை இணைத்துள்ளார். அதோடு என்னுடைய நோக்கம் ஹேக்கர்களிடமிருந்து இணைதளங்களை காப்பாற்றுவது மட்டுமே என்று தெரிவித்துள்ளார்.
