ஆதார் , யுபிஐ வெற்றிக்கு பின் டிஜிட்டல் முகவரி திட்டம்.. மத்திய அரசு அசத்தல்..!

ஆதார் மற்றும் யுபிஐ வெற்றிக்கு பிறகு, ஒவ்வொரு முகவரிக்கும் டிஜிட்டல் அடையாளத்தை வழங்கும் புதிய திட்டத்தை இந்திய அரசு திட்டமிட்டுள்ளது.

இந்த ‘டிஜிட்டல் முகவரி’ திட்டத்தின் மூலம் வீடுகள் மற்றும் இடங்களை துல்லியமாகவும், விரைவாகவும் கண்டறிய முடியும். இது அரசு சேவைகள், பார்சல் டெலிவரி போன்றவற்றை மேம்படுத்தும்.

முகவரி விவரங்களை நிர்வகிக்க நாட்டில் சீரான முறை இல்லாததால், பல நிறுவனங்கள் பயனர்களின் அனுமதி இல்லாமல் தகவல்களை பகிர்ந்துவிடும் நிலை உள்ளது. இதை தடுக்க, முகவரி தகவல் பகிர்வது தனிநபரின் அனுமதியுடன் மட்டுமே இருக்க வேண்டும் என அரசு திட்டமிட்டுள்ளது.

முகவரி சீரமைப்பு அவசியமானது, ஏனெனில் ஆன்லைன் ஷாப்பிங், டெலிவரி சேவைகள் வளர்ச்சியுடன், குழப்பமான முகவரிகள் தாமதங்களையும் இழப்புகளையும் ஏற்படுத்துகின்றன. இதனால் ஆண்டுக்கு $10-14 பில்லியன் வரை இழப்பு ஏற்படுகிறது.

இந்த திட்டத்தின் ஒரு முக்கிய அம்சம் DIGIPIN (Digital Postal Index Number). இது ஒரு 10-எழுத்து குறியீடாக, இடத்தின் சரியான புவி நிலையை அடிப்படையாகக் கொண்டு உருவாகும். இது கிராமங்கள், மலைப்பகுதிகள் போன்ற இடங்களுக்கும் தனித்தனி டிஜிட்டல் முகவரியை வழங்கும்.

தபால் துறை இந்த திட்டத்தை செயல்படுத்துகிறது, பிரதமரின் அலுவலகம் நேரடியாக கண்காணிக்கிறது.  இந்த திட்டம் 2025 முடிவுக்குள் தயாராகும் என எதிர்பார்க்கப்படுகிறது.

இந்த திட்டம், ஆதார் மற்றும் யுபிஐ போலவே இந்தியர்களின் நாளைய வாழ்வில் முக்கிய பங்காற்றும்.

Edited by Siva