மத்திய பிரதேசத்தில் மது போதையில் மாணவிகளோடு டான்ஸ் ஆடிய தலைமை ஆசிரியர் பணியிடை நீக்கம் செய்யப்பட்டுள்ளார்.
மத்திய பிரதேசத்தின் தமோ மாவட்டத்தில் உள்ள அரசு நடுநிலைப்பள்ளியில் தலைமை ஆசிரியராக பணி புரிபவர் ராஜேஷ் முண்டா. இவர் கடந்த 29ம் தேதியன்று மது அருந்து விட்டு பள்ளிக்கு சென்றுள்ளார்.
அங்கு ஒரு வகுப்பில் இருந்த மாணவிகள் சிலரை அழைத்து சென்ற அவர், அவர்களை நடனம் ஆடும்படி சொல்லியிருக்கிறார். மாணவிகளோடு சேர்ந்து ராஜேஷ் முண்டாவும் டான்ஸ் ஆடியது மட்டுமல்லாமல் அதை வீடியோவும் எடுத்துள்ளார்.
இதுகுறித்து மாணவிகள் தங்கள் பெற்றோரிடம் சொல்ல இதுகுறித்து பெற்றோர்கள் அளித்த புகாரின்பேரில் வழக்குப்பதிவு செய்யப்பட்டு தலைமை ஆசிரியர் பணியிடை நீக்கம் செய்யப்பட்டுள்ளார்.