காங்கிரஸ் கட்சியில் இருந்து சமீபத்தில் விலகிய குலாம்நபி ஆசாத் இன்று புதிய கட்சியை ஆரம்பிக்க இருப்பதாக தகவல் வெளியாகியுள்ளது.
காங்கிரஸ் கட்சியின் பழம்பெரும் தலைவர் குலாம் நபி ஆசாத் என்பதும் இவர் 50 ஆண்டுகளுக்கு மேலாக காங்கிரஸ் கட்சியில் இருந்தார் என்பதும் தெரிந்ததே. இந்த நிலையில் ராகுல் காந்தி குறித்து கடுமையாக விமர்சனம் செய்த குலாம்நபி ஆசாத் திடீரென கடந்த மாதம் காங்கிரஸ் கட்சியிலிருந்து விலகினார். அவருக்கு ஆதரவு தெரிவித்து பல மூத்த காங்கிரஸ் நிர்வாகிகள் வெளியேறினார்கள் என்பது குறிப்பிடத்தக்கது
இந்த நிலையில் பாஜகவில் இணைய போவதில்லை என்று உறுதியுடன் கூறியிருந்த குலாம்நபி ஆசாத் இன்று தனது புதிய கட்சி குறித்த அதிகாரப்பூர்வ அறிவிப்பை வெளியிடுவார் என்றும் கட்சியின் கொள்கை குறித்தும் வெளியிடுவார் என்றும் எதிர்பார்க்கப்படுகிறது
ஜம்மு காஷ்மீர் மாநிலத்தில் சட்டமன்ற தேர்தல் விரைவில் நடைபெற இருக்கும் நிலையில் குலாம் நபி ஆசாத் அம்மாநிலத்தின் முதல்வராக வாய்ப்பிருப்பதாகவும் கூறப்படுகிறது.
