இஸ்ரோவால் நாளை விண்ணில் செலுத்துவதாக திட்டமிட்டருந்த, கண்காணிப்பு செய்ற்கைக்கோளை ஏந்தி செல்லும் ஜி.எஸ்.எல்.வி. எஃப்-10 , தொழில்நுட்பக் கோளாறு காரணமாக ஒத்திவைக்கப்பட்டுள்ளது.
நாட்டின் பாதுகாப்பை மேம்படுத்தும் விதத்தில் 10 கண்காணிப்பு செய்றகைக்கோள்களை விண்ணில் ஏவ இஸ்ரோ திட்டமிட்டது. அதன் படி பருவநிலை கண்காணிப்பு மற்றும் பேரிடர் மீட்புப் பணிகளுக்கு உதவும் வகையில் ரூ.800 கோடி மதிப்பீட்டில் 2 அதிநவீன ஜியோ இமேஜிங் செயற்கை கோள்கள் தயாரிக்கப்பட்டுள்ளன.
இதன் முதல் கட்டமாக புவியை கண்காணிக்கவும், வானிலை ஆய்வுகளுக்காகவும் உதவும் வகையில் ஜி-சாட்-1 செயற்கைக்கோள், வருகிற மார்ச் 5 ஆம் தேதி, மாலை 5.43 மணிக்கு, ஜிஎஸ்எல்வி.-எஃப்10 ராக்கெட் மூலம், ஸ்ரீஹரிகோட்டாவில் சதீஷ் தவான் விண்வெளி ஆராய்ச்சி மையத்திலிருந்து விண்ணில் செலுத்தப்படவுள்ளதாக இஸ்ரோ அறிவித்தது.
இந்நிலையில் தற்போது நாளை விண்ணில் செலுத்துவதாக திட்டமிடப்பட்டிருந்த ஜி.எஸ்.எல்.வி. எஃப்-10 ராக்கெட், தொழில்நுட்ப கோளாறு காரணமாக ஒத்திவைக்கப்படுவதாக இஸ்ரோ அறிவித்துள்ளது.
