விரைவில் வாட்ஸ்அப் மூலம் கேஸ் சிலிண்டர் முன்பதிவு செய்யும் வசதி அறிமுகம் செய்யப்பட உள்ளது.
கேஸ் சிலிண்டர் முன்பதிவு செய்வது ஒரு பெரிய வேலையாக இருந்து வருகிறது. முதலில் போன் செய்து முன்பதிவு செய்ய வேண்டும். பின்னர் அதை எளிமையாக்க குறுஞ்செய்தி மூலம் முன்பதிவு செய்யும் வசதியை அறிமுகம் செய்தனர்.
தற்போது மேலும் இதை எளிமையாக்க வாட்ஸ்அப் மூலம் முன்பதிவு செய்யும் வசதியை அறிமுகம் செய்ய உள்ளனர். இந்த வசதியை முதலில் உத்தரபிரதேச மாநிலத்தில் உள்ள சில மாவட்டங்களில் அமல்படுத்தப்படும் என தெரிவிக்கப்பட்டுள்ளது.
இதுதொடர்பான பணிகள் நடந்து வருவதாக மத்திய பெட்ரோலியம் மற்றும் இயற்கை எரிவாயு துறை வட்டாரத்தில் தெரிவிக்கப்பட்டுள்ளது. வாட்ஸ்அப் கேஸ் சிலிண்டர் முன்பதிவு செய்யும் திட்டம் நாட்டு மக்களுக்கு பேருதவியாக இருக்கும் என்பது குறிப்பிடத்தக்கது.
