அசாமில் மக்கள் வசிக்கும் பகுதியில் புகுந்த யானை பைக் ஒன்றை பின்னங்காலால் உதைத்து தள்ளும் வீடியோ வைரலாகியுள்ளது.
சமூக வலைதளங்களில் பல்வேறு வீடியோக்களும் அடிக்கடி வைரலாகி வரும் நிலையில் காட்டு விலங்குகள் செய்யும் சில விளையாட்டுத்தனமான செயல்களும் வெளியாகி வைரலாவது உண்டு.
அப்படியாக தற்போது அசாமில் யானை ஒன்று செய்த சேட்டை செயல் வைரலாகியுள்ளது. அசாமில் யானைகள் சரணாலயம் உள்ள நிலையில் அவ்வபோது சில காட்டு யானைகள் ஊருக்குள் வந்து விடுவது வழக்கம்.
அப்படியாக சில நாட்கள் முன்னதாக ஒரு காட்டுயானை ஊருக்குள் புகுந்துள்ளது. அதை கண்டு மக்கள் அலறியடித்து ஓடி பதுங்கினர். சாலையில் வேகமாக வந்த யானை அது செல்லும் பகுதியில் நிறுத்தப்பட்டிருந்த பைக்கை பின்னங்காலால் எட்டி உதைத்து கீழே தள்ளியது.
காட்டு யானையின் இந்த சேட்டையான வீடியோவை பலரும் பல்வேறு தலைப்பிட்டு சமூக வலைதளங்களில் வைரலாக்கியுள்ளனர்.