உலக நாடுகள் முழுவதும் கொரோனா பாதிப்புகள் உள்ள நிலையில் இந்தியாவில் கொரோனா பாதிப்பு மற்ற நாடுகளை விட வேகமாக குணமாகி வருகிறது.
கொரோனா பாதிப்புகள் காரணமாக இந்தியாவில் தளர்வுகளுடன் கூடிய ஊரடங்கு அமலில் இருந்து வருகிறது. எனினும் நாளுக்கு நாள் கொரோனா பாதிப்புகள் அதிகரித்து வருகின்றன. கடந்த சில நாட்களாக ஒரு நாள் பாதிப்பு 50 ஆயிரத்திற்கும் அதிகமாக இருந்த நிலையில் தற்போது குறைந்து வருகிறது.
ஆம், இந்தியாவில் மேலும் 32,080 பேருக்கு கொரோனா தொற்று உறுதி செய்யப்பட்டுள்ளது. இதன் மூலம் இதுவரை பாதிக்கப்பட்டவர்களின் எண்ணிக்கை 97,35,850 ஆக அதிகரித்துள்ளது. மேலும், கடந்த 24 மணி நேரத்தில் 402 பேர் பலியான நிலையில் இதுவரை கொரோனாவால் உயிரிழந்தவர்களின் எண்ணிக்கை 1,41,360 ஆக அதிகரித்துள்ளது.
இந்தியாவில் கொரோனவால் பாதிக்கப்பட்டவர்களில் இதுவரை 92,15,581 பேர் குணமடைந்து வீடு திரும்பிய நிலையில் 3,78,909 பேர் மருத்துவமனைகளில் சிகிச்சை பெற்று வருகின்றனர்.
