இந்தியாவில் கொரோனா ஊரடங்குகளில் தளர்வுகள் அளிக்கப்பட்டுள்ள நிலையில் பாதிப்பு எண்ணிக்கை 20 லட்சத்தை தாண்டியுள்ளது அதிர்ச்சியை ஏற்படுத்தியுள்ளது.
இந்தியா முழுவதும் ஊரடங்குகள் விதிக்கப்பட்டாலும், தளர்த்தப்பட்டாலும் கொரோனா பாதிப்புகளின் எண்ணிக்கை நாளுக்கு நாள் உயர்ந்து கொண்டே செல்கிறது. கடந்த 24 மணி நேரத்தில் இதுவரை இல்லாத அளவுக்கு இந்தியா முழுவதும் 62,538 பேர் பாதிக்கப்பட்டுள்ளனர். 886 பேர் உயிரிழந்துள்ள நிலையில் 49,769 பேர் குணமடைந்துள்ளனர்.
இந்திய அளவில் மொத்தமாக 20,27,074 பேர் கொரோனாவால் பாதிக்கப்பட்டுள்ளனர். 41,585 பேர் இதுவரை உயிரிழந்துள்ள நிலையில் 13,78,105 பேர் குணமடைந்துள்ளனர். 6,07,384 பேர் மருத்துவமனைகளில் சிகிச்சை பெற்று வருகின்றனர்.
