பிரபல பின்னணி பாடகி சமூகத்தில் நடைபெறும் அவலங்களை தனது டுவிட்டரில் தைரியமாக எடுத்துரைப்பவர் என்பது அனைவரும் தெரிந்ததே. இந்த நிலையில் நேற்று தமிழகத்திற்கு பசுக்கள் ஏற்றி வந்த கொண்டிருந்த லாரிகளை மடக்கி பசு பாதுகாப்பு அமைப்பினர் தாக்கிய சம்பவத்திற்கு பாடகி சின்மயி தனது பாணியில் பதிலடி கொடுத்துள்ளார்.
அவர் தனது டுவிட்டரில், ''இதுமாதிரி வன்முறையில் ஈடுபடுபவர்களுக்கு வேலை எதுவும் இருக்காது என்று நினைக்கின்றேன். அவர்களுக்கு வேலை என்ற ஒன்று இருந்தால் இதுபோன்ற தாக்குதலுக்கு நேரம் இருக்காது. ஒருவேளை இதுதான் அவர்களுடைய முழுநேர வேலையாக இருக்குமோ? லூசுப்பசங்க' என்று கூறியுள்ளார். மேலும் 'சிறுவயதினர்களை மூளைச்சலவை செய்து ஐஎஸ் இயக்கத்திற்கு அழைத்து செல்பவர்களுக்கும் இதுபோன்ற வன்முறையை தூண்டி விடுபவர்களுக்கும் அதிக வித்தியாசம் இல்லை' என்று காட்டமாக கூறியுள்ளார்
சின்மயி கருத்தை நடிகரும் பாடகருமான விஜய்ஜேசுதாஸ் உள்பட பலர் பாராட்டியுள்ளனர்.
