நிலவை ஆய்வு செய்ய இஸ்ரோ அனுப்பிய சந்திரயான் 3 விண்கலம் நிலவை சுற்றும் கடைசி சுற்றுகளை முடித்துள்ளதாக தகவல்கள் வெளியாகியுள்ளது.
நிலவின் தென் துருவத்தில் நீர் குறித்த ஆய்வுகளை மேற்கொள்ள இஸ்ரோ சந்திரயான் 3 விண்கலத்தை கடந்த ஜூலை மாதம் விண்ணுக்கு அனுப்பியது. பூமியின் சுற்றுப்பாதையில் சுற்றி வந்து அதிலிருந்து நிலவின் சுற்றுப்பாதைக்குள் நுழைந்த சந்திரயான் 3 நிலவின் புகைப்படங்கள், வீடியோக்களை பூமிக்கு அனுப்பியது.
தற்போது நிலவின் சுற்றுப்பாதையில் உள்ள சந்திரயான் 3 கொஞ்சம் கொஞ்சமாக சுற்றுவட்ட பாதையை குறைத்து நிலவில் தரையிறங்கும் ப்ராசஸில் உள்ளது. அந்த வகையில் சந்திரயான் 3 விண்கலத்தின் இறுதி வேக குறைப்பு செயல்பாடு வெற்றி அடைந்துள்ளதாக இஸ்ரோ தெரிவித்துள்ளது.
இதுகுறித்து ட்விட்டரில் பதிவிட்டுள்ள இஸ்ரோ “இரண்டாவது மற்றும் இறுதி டீபூஸ்டிங் செயல்பாடு LM சுற்றுப்பாதையை 25 கிமீ x 134 கிமீக்கு வெற்றிகரமாக குறைத்துள்ளது. தொகுதி உள் சோதனைகளுக்கு உட்பட்டு, நியமிக்கப்பட்ட தரையிறங்கும் தளத்தில் சூரிய உதயத்திற்காக காத்திருக்கும். இயங்கும் இறங்குதல் ஆகஸ்ட் 23, 2023 அன்று சுமார் 1745 மணிநேரத்தில் தொடங்கும் என்று எதிர்பார்க்கப்படுகிறது” என்று தெரிவித்துள்ளது.
