அப்துல் கலாம் சிலையை மறைத்து பிறந்தநாள் போஸ்டர் – சர்ச்சையைக் கிளப்பிய எம் எல் ஏ!

ஆந்திர மாநிலத்தில் ஒய் எஸ் ஆர் காங்கிரஸ் கட்சியைச் சேர்ந்த எம் எல் ஏ ஒருவரின் பிறந்தநாளை முன்னிட்டு வைக்கப்பட்ட பேனரால் சர்ச்சை எழுந்துள்ளது.

ஆந்திரா மாநிலம் தர்மாவரத்தில் இந்தியாவின் முன்னாள் ஜனாதிபதி அப்துல் கலாமுக்கு சிலை ஒன்று வைக்கப்பட்டுள்ளது. இந்நிலையில் அத்தொகுதி எம் எல் ஏ வான கதிர்ரெட்டி வேங்கடராமி ரெட்டி என்பவரின் பிறந்தநாளுக்காக வைக்கப்பட்ட பேனர்கள் அப்துல் கலாமின் சிலையை மறைக்கும் விதமாக அமைந்திருந்தன. இது பெரிய சர்ச்சையை உண்டு பண்ணியுள்ளது.

இதற்கு எதிர்க்கட்சியான தெலுங்கு தேசம் கட்சியினர் எதிர்ப்புகளையும் கண்டனங்களையும் பதிவு செய்துள்ளனர்.