மக்களவை தேர்தலில் போட்டியிட வந்த வாய்ப்பு.. வேண்டாம் என மறுத்த நடிகை..!

மக்களவைத் தேர்தலில் போட்டியிட நடிகைக்கு வாய்ப்பு வந்த நிலையில் அவர் போட்டியிட முடியாது என்று கூறிவிட்டதாக தகவல் வெளியாகியுள்ளது.

பிரபல பாலிவுட் நடிகை கங்கனா ரனாவத், நடிகை ராதிகா உள்பட ஒரு சில நடிகைகள் மக்களவைத் தேர்தலில் போட்டியிடும் நிலையில் பீகார் காங்கிரஸ் மூத்த தலைவர் அஜித் சர்மாவின் மகள் நேகா சர்மாவுக்கு போட்டி விட காங்கிரஸ் வாய்ப்பளித்ததாக கூறப்படுகிறது

பீகார் மாநில காங்கிரஸ் தலைமை நேகா சர்மா போட்டியிட விரும்புவதாக அவருக்கு தகவல் அளிக்கப்பட்டது. ஆனால் அடுத்த ஆறு மாதங்களில் தனக்கு திரைப்படங்களில் நடிக்க வேண்டிய நிலை இருப்பதால் தன்னால் இப்போதைக்கு தேர்தலில் போட்டியிட முடியாது என்றும் அடுத்த தேர்தலில் வேண்டுமானால் பார்க்கலாம் என்றும் நேகா சர்மா கூறிவிட்டதாக அவரது தந்தை அஜித் சர்மா கூறியுள்ளார்

தமிழில் ’சோலோ’ என்ற படத்தில் நடிகர் துல்கர் சல்மானுடன் நடித்துள்ள நேகா சர்மா பல ஹிந்தி மற்றும் தெலுங்கு படங்களில் நடித்துள்ளார் என்பது குறிப்பிடத்தக்கது

Edited by Siva