சிம்பு நடித்த குத்து, தனுஷ் நடித்த பொல்லாதவன் உள்பட பல திரைப்படங்களில் நடித்தவர் நடிகை ரம்யா. இவர் தற்போது காங்கிரஸ் கட்சியின் சமூகவலைதள தலைவராக உள்ளார்.
விரைவில் கர்நாடகாவில் தேர்தல் வரவுள்ளதை அடுத்து நடிகை ரம்யாவுக்கு தேர்தலில் போட்டியிட வாய்ப்பு கிடைக்கும் என்று எதிர்பார்க்கப்படுகிறது. இந்த நிலையில் ரம்யாவின் தாயார் ரஞ்சிதா, தான் சுயேட்சையாக போட்டியிட போவதாக அறிவித்துள்ளார். இதனால்காங்கிரஸ் கட்சி அதிர்ச்சி அடைந்துள்ளது.
இதுகுறித்து ரஞ்சிதா கூறியபோது, ' "நான் காங்கிரஸ் சார்பில் போட்டியிட சீட் கோரவில்லை. சுயேட்சையாகப் போட்டியிட திட்டமிட்டுள்ளேன். இதன் காரணமாக நான் காங்கிரஸ் கட்சிக்கு எதிராக செயல்படுகிறேன் என்று அர்த்தமில்லை. நான் பல ஆண்டுகளாக காங்கிரஸ் கட்சியின் எளிமையான தொண்டராகவே இருந்திருக்கிறேன். ஆனால், இன்று கட்சியில் எனது பங்களிப்பு யாராலும் அங்கீகரிக்கப்படவில்லை. அடுத்த வாரம் இது குறித்து முடிவெடுக்கவிருக்கிறேன்" என்று கூறியுள்ளார்.
ரம்யா காங்கிரஸ் கட்சி வேட்பாளராகவும், அவரது தாயார் சுயேட்சையாகவும் போட்டியிடும் சூழல் இருப்பதால் கர்நாடக காங்கிரஸ் வட்டாரத்தில் பரபரப்பு ஏற்பட்டுள்ளது.
