30 துண்டுகளாக பிரிட்ஜில் இளம்பெண் உடல்.. பெங்களூரில் அதிர்ச்சி சம்பவம்..!

பெங்களூரு நகரின் மல்லேஸ்வரா பகுதியில், வீராண பவன் அருகிலுள்ள வியாலிகாவல் பகுதியில் உள்ள ஒரு குடியிருப்பில் துர்நாற்றம் வீசியது. இதனால், அப்பகுதியில் வசித்தவர்கள் மூக்கை பொத்திக்கொண்டு சென்றனர். அப்போது, அவர்கள் உடனடியாக போலீசுக்கு தகவல் அளித்தனர்.

போலீசார் சம்பவ இடத்திற்கு வந்து விசாரணை மேற்கொண்டபோது, அந்த குடியிருப்பின் உள்ளே பிரிட்ஜில் ஒரு இளம்பெண்ணின் உடல் இருப்பது தெரிய வந்தது. மேலும், அந்த உடல் 30 துண்டுகளாக வெட்டப்பட்டிருந்தது. இது காவல் துறையினரை அதிர்ச்சி அடைய வைத்தது.

காவல் ஆணையாளர் சதீஷ் குமார் கூறியதாவது: "பெண்ணின் உடல் அடையாளம் காணப்பட்டு, சில நாட்களுக்கு முன்பே வைக்கப்பட்டிருப்பதாக நம்பப்படுகிறது. அவர் மற்றொரு மாநிலத்தை சேர்ந்தவர் மற்றும் பெங்களூருவில் வசித்து வந்தவர். ஆரம்பகட்ட விசாரணை நடைபெற்று வருகிறது, மேலும் விரைவில் மேலதிக தகவல்கள் வெளியாகும்," என்றார்.

மோப்பநாய் குழு, கைரேகை நிபுணர்கள், தடய அறிவியல் குழுவினர் ஆகியோர் சம்பவ இடத்துக்கு அழைக்கப்பட்டுள்ளனர். போலீசார் சென்றபோது, உடல் அழுகிய நிலையில் இருந்தது. தற்போதும் விசாரணை தீவிரமாக நடந்து வருகிறது.

Edited by Siva