விவசாயிகள் தங்களது போராட்டத்தை மேலும் வலிமைப்படுத்த 'சக்கா ஜாம்' போராட்டத்தை நடத்த உள்ளனர்.
மத்திய அரசின் வேளாண் சட்டங்களுக்கு எதிராக விவசாய அமைப்புகள் கடந்த இரண்டு மாத காலத்திற்கும் மேலாக டெல்லியில் போராட்டம் நடத்தி வருகின்றனர். இந்த போராட்டத்தை மேலும் வலிமையாக்க வரும் 6 ஆம் தேதி நாடு முழுவதும் 'சக்கா ஜாம்' என்ற பெயரில் போராட்டம் நடத்த உள்ளனர்.
சக்கா ஜாம் என்றால் என்ன?
சக்கா ஜாம் என்பது சக்கரங்களை நிறுத்துதல். அதாவது சாலை மறியல் போராட்டம் என இதனை கூறலாம். வரும் 6 ஆம் தேதி நண்பகல் 12 மணி முதல் மாலை 3 மணி வரை போராட்டம் நடைபெறும் என்று விவசாயிகள் சங்கங்கள் சார்பில் தெரிவிக்கப்பட்டுள்ளது.
சக்கா ஜாம் போராட்டம் மிகப்பெரிய அளவில் திட்டமிடப்பட்டுள்ளதால் டெல்லியின் எல்லை பகுதிகளில் பாதுகாப்பை 3 மடங்காக அதிகரிக்க நடவடிக்கைகள் எடுத்து வருகிறது டெல்லி காவல்துறை.
