தங்கம் விலை கடந்த சில நாட்களாக குறைந்து கொண்டே வருகிறது என்பதும் குறிப்பாக பட்ஜெட்டில் வரி குறைப்பு அறிவிப்புக்கு பின்னர் அதிகமாக குறைந்து வருகிறது என்பதையும் பார்த்து வருகிறோம்.
இந்த நிலையில் இன்றும் தங்கம் விலை ஒரு கிராமுக்கு 30 ரூபாயும் ஒரு சவரனுக்கு 240 ரூபாயும் குறைந்துள்ளது. கடந்த 10 நாட்களில் தங்கம் விலை ஒரு சவரனுக்கு 3600 குறைந்துள்ள நிலையில் இன்று சென்னையில் தங்கம் வெள்ளி விலை குறித்த நிலவரத்தை பார்ப்போம்.
சென்னையில் ஆபரணத் தங்கத்தின் விலை இன்று கிராமுக்கு 30 ரூபாய் குறைந்து ரூபாய் 6,385 என விற்பனையாகிறது. அதேபோல் சென்னையில் ஆபரணத் தங்கம் ஒரு சவரன் விலை ரூபாய் 240 குறைந்து ரூபாய் 51,080 என விற்பனையாகி வருகிறது என்பது குறிப்பிடத்தக்கது. இன்னும் ஒருசில நாட்களில் ஒரு சவரன் ரூ.50,000 என குறையும் என்று கூறப்படுகிறது.
சென்னையில் இன்று 24 காரட் தங்கம் விலை ஒரு கிராம் ரூபாய் 6,840 எனவும் ஒரு சவரன் ரூபாய் 54,720 எனவும் விற்பனையாகி வருகிறது. சென்னையில் இன்று வெள்ளியின் விலை ஒரு கிராம் ரூபாய் 89.00 எனவும், ஒரு கிலோ விலை ரூபாய் 89,000.00 எனவும் விற்பனையாகி வருகிறது
