பாஜக 20 தொகுதிகளில் போட்டி..! அண்ணாமலை அறிவிப்பு...

வருகிற நாடாளுமன்றத் தேர்தலில் தமிழ்நாட்டில் பாஜக 20 தொகுதிகளில் போட்டியிடுவதாக அண்ணாமலை தெரிவித்துள்ளார்.

வருகிற நாடாளுமன்ற தேர்தலில் தமிழ்நாட்டில் பாஜக தலைமையில் கூட்டணி உருவாக்கப்பட்டுள்ளது.  பாஜக கூட்டணியில் பாட்டாளி மக்கள் கட்சிக்கு 10 தொகுதிகளும், தமிழ் மாநில காங்கிரஸ் கட்சிக்கு மூன்று தொகுதிகளும், அம்மா மக்கள் முன்னேற்றக் கழகத்திற்கு இரண்டு தொகுதிகளும் ஒதுக்கப்பட்டுள்ளன. 

மேலும் பாரிவேந்தர்,  ஜான் பாண்டியன், தேவநாதன், ஏ.சி சண்முகம் ஆகியோரின் கட்சிகளுக்கு தலா ஒரு தொகுதிகளும் ஒதுக்கீடு செய்யப்பட்டுள்ளன. 

இந்நிலையில் செய்தியாளர்களிடம் பேசிய தமிழக பாஜக தலைவர் அண்ணாமலை, மக்களவைத் தேர்தலில் தமிழ்நாட்டில் பாஜக 20 தொகுதிகளில் போட்டியிடுவதாக அறிவித்தார்.

நான்கு தொகுதிகளில் தாமரை சின்னத்தில் கூட்டணி வேட்பாளர்கள் போட்டியிடுவார்கள் என்றும் எந்த நேரத்திலும் பாஜக போட்டியிடும் தொகுதிகள், வேட்பாளர்கள் பட்டியல் வெளியாக கூடும் என்றும் அண்ணாமலை கூறியுள்ளார்.