இன்று தொடங்குகிறது ஐபிஎல் தொடர்: சென்னை- மும்பை பலப்பரீட்சை
, சனி, 7 ஏப்ரல் 2018 (10:21 IST)
ஐபிஎல் தொடரில் இன்று நடைபெறும் முதல் போட்டியில் தோனி தலைமையிலான சென்னை சூப்பர் கிங்ஸ் அணியும், ரோகித் சர்மா தலைமையிலான மும்பை இந்தியன்ஸ் அணியும் மோதவுள்ளன.
இந்திய கிரிக்கெட் ரசிகர்களால் பெரிதாக கொண்டாடப்படும் ஐபிஎல் கிரிக்கெட் தொடரின் 11-வது சீசன் இன்று கோலாகலமாக தொடங்கவுள்ளது. இந்த தொடரில் மும்பை இந்தியன்ஸ், கொல்கத்தா நைட்ரைடர்ஸ், சன்ரைசர்ஸ் ஐதராபாத், ராயல் சேலஞ்சர்ஸ் பெங்களூர், கிங்ஸ் லெவன் பஞ்சாப், டெல்லி டேர்டெவில்ஸ் ஆகிய அணிகள் பங்கேற்கின்றன. மேலும், சூதாட்ட புகாரில் சிக்கி 2-வருடங்கள் கழித்து சென்னை அணியும், ராஜஸ்தான் அணியும் மீண்டும் களமிறங்குகிறது.
இந்த நிலையில் வான்கடே மைதானத்தில் இன்று நடைபெறும் முதல் போட்டியில் சென்னை அணியும்- மும்பை அணியும் மோதவுள்ளன.
மேலும், இதற்கான தொடக்க விழா இன்று நடைபெற இருக்கிறது. இதில் ரசிகர்களின் கவனத்தை ஈர்க்க பல நடிகர், நடிகைகள் பங்கேற்கிறார்கள்.
அடுத்த கட்டுரையில்
